الثلاثاء، 29 سبتمبر، 2015

انا الرئيس .... قصة قصيرة
اخيرا جاء اليوم المشهود ... اليوم اقف امام الشعب كرئيس للبلاد بعد فترة طويلة من الاضطرابات و الاحداث العنيفة
اليوم انا الرئيسيس .. ساحارب الفساد واعمل على تحسين وضع المواطن و بالاخص محدود الدخل ... ساحسن الاوضاع الاقتصادية واشجع الاستثمار ... ساقوم بعمل علاقات مع الدول الاخرى .... سانقل البلد نقلة حضارية كبرى بتحسين التعليم و الاهتمام بالصحة ... لن يكون هناك عشوائيات ولا بطاله.. نعم الجميع سيعمل و الكل دخله سيرتفع نعم ... و سأحاسب المخطى حساب عسير نعم لابد ان يكون هناك حساب ... حساب ...
ترددت الكلمة الاخيرة داخل عقلة حتى شعر بتلك النكزة ...
وصوت يقول ... الحساب يا افندى 2 شاي و حجر معسل ... ايه يا استاذ انت سرحت ولا ايه معلش مسيرها تفرج وتلاقى شغل .

الجمعة، 20 مارس، 2015

عبط المراهقة المتأخرة
شيء يضحك .. حقيقي .. لما تلاقي راجل كبير جايز معاشش شبابه ومشافش حريم .. تلاقي الصدف حطت فطريقة واحدة '' احترامها من عدمه موش نوضوعنا لانها اكيد عارفه انه متجوز وعنده اولاد '' وتلاقيه حط اتهتمامه كله بيها تليفوناته دايما مشغوله .. واتساته دايما مشغوله وطبعا فيسه .. نبص عالتليفون تلاقيه مسجله بتسم راجل عبرحيم مثلا.. قال يعنى حويط .. ميعرفش ان مراته شامه الموصوع من اوله لاخره وراصده كل حاجة ولا اجدع مخابرات ... 
وطبعا لو بتفهم مبتولعش الامور لازم تستنى تللحظة المناسبة اللي تفجر القنبلة وتخلى منظره زباله قصاد الكون كله 
اما الست اللي راجل يلعب بمشاعرها وباويدخل لها من نانناحية الصداقة وهى يا عينى تصدقه وتتبع نفس طريقة الراجل و تسميه علنليفون سهام وتبدء حوارتها معاه مبتبقاش حاسة ان جوزها بردو راصد الموضوع و بيعد العدة اما لعمل دموى يضيعها و يضيع اسرتها او عمل تانى بردو هيضيغها  يضيع اسرتها و يخليها عايشه بفضيحة ...
اكبروا والتفتوا لبيتكم  و اسرتكم .. لبعلو في جواكم مشاكل صارحو بعض بيها .. مع بعض هتلاقو حل واللي موش عاجبه الطرف التانى يسيبه بهدؤ ويشوف نصيبه مع حد تانى بدل الخيانة لان ساعتها منظركم هيبقي وحش اوى قصاد عيالكم .. وبالذات فمجتمعنا ناحية الست .. وبعدين ياهبل منك ليها احنا فعصر التكنولوجيا يعنى اى كان الاسم سهل انه يتجاب الصح بتاعه ... 

الأحد، 7 ديسمبر، 2014

من غير عنوان ...
موش لاقى كلام يتقال .. حقيقي .. طب هقول ايه ؟؟ وليه ..؟؟ 
الاول كنت فاهم او بيتهيألى انى فاهم .. اما دلوقت الصورة مشوشه .. لاء دا مفيش رؤية للصورة من الاساس 
الاول خالص سياسة ايه ياعم انا لاقيين لقمة عشانا لما نتكلم فالسياسة ... 
بعدها بشوية .. كتييير .. عدالة .. حرية .. كرامة انسانية والواحد حس انه بيشم هوا مختلف .. صحيح مليان تلوث وغبار لكن مختلف .. وبعدها قالت الصناديق للاسلام ناااععععمممممم " استفتاء مارس"  شوية صغيرين جابتلنا الصانديق شيئ ما اتحسب على التاريخ المصرى واللى افتكروه هيطبق الشرع مد تصاريح الكباريهات وزود الضرائب على الخمور " مال حرام " وفجأة نزلت الملايكة رابعة ورؤيه بانه بيأم الرسول فى الصلاه .. وبشار مات وبعد ممات هرب .. الجهه التانيه موش اقل هطل منهم بالعكس كانت حرب مين الل هياخد بطولة الهطل .. 
شوية تانى عزل .. تفويض .. توكيل .. انتخاب ... 
المتم بريء .. البريء متهم ...
البطل خاين .. الخاين بتاع ربنا الل كان فى الاساس بيحارب اى حاجه ليها علاقة بالدين
بعبع طلع متعرفش ايه الغرض منه هل عصايا ولا حجة ..
فى وقت من الاوقات الطريق كان واضح " زيادة عن اللزوم .. فجأة اختفى و مبقاش فى طريق 
بس لو جمعت بواقى التركيز .. وشتات العقل هوصل لنتيجة غريبة اننا ومن الاول عايشين فى مؤامرة كبيرة وطويلة المدة و المفعول نركز كدا .. شويه كمان .. ايون ...هاتها من اول الحملات الصليبية .. هتلاقى اللى بعدها مكعبات متركبة فوق بعض .. 
حملات .. تتار .. حملة فرنسية تمهد للانجليزية اللى فشلت مؤقتا لكنها ترجع تانى وتحتل مصر عشان تدى فلسطين لليهود وتستقر والدور ينتهى .. ثورة فجلاء حروب عالماشى .. بعدا كل شيء هادئ .. اوى افورة فى الهدوء واعتقد ان الل حصل فى 25 يناير فقدان سيطرة موش اكتر واللى بيحصل دلوقت اعادة الامور لنصابها و طريقها المرسوم ... 
السؤال : ما هو القادم ؟؟ على فكرة عندى الاجابة وموش هقول عليها 

الأربعاء، 17 أبريل، 2013

3- الالحاد 2 

موش عارف ليه ..؟
حقيقى يعنى لما يكون واحد ملحد وبينادى بحرية الاعتقاد وصوته مبحوح على الاخر عشان موضوع الحرية ده ومع ذلك تلاقيه بسلامته هو اللى بيشتم ويسب فى الاديان والرسل بشكل يفوق سرسجية الحوارى و فالاخر البيه يقول انا حر اتكلم زى مانا عاوز 
لاء .. 
لاء يا حيلتها منتاش حر تتكلم زى مانتا عاوز ... 
انت حر فى تفكيرك واعتقادك ده حقك ...
لان  فالاخر موضوع الدين يتاع ربنا هو بس اللى يفصل فيه
دا غير ان الحاد او كفر واحد زيك موش هيقلل من قيمة الدين " اى كان هذا الدين " ..
اما كلامك  .. فلنا هنا وقفة .. اما ان تكون محترم او لا ... 
وفى الاخيرة  " لا " تكون انت الذى جنيت على حريتك لانك اعتديت على حرية الاخرين تحت مسمى الحرية وطبعا حق الرد مكفول 
يعنى هتشتم ... هيتلعن سلسفيل اللى جابوك وحقى انت اللى بديت ... اما لو بتتكلم من منطق عقلى فدا محدش يقدر يعتب عليك فيه
زى ما قولت فالاول تكيرك بتاعك محدش له انه يحجر عليك ....
ماش يااااا .. ملحد
وكفايه عليك انك اخدت كارت احمر من نعمة الايمان  ... يااا  ملحد

الخميس، 28 مارس، 2013


       لســت فـقيــها

                                                                     2 - حجاب .. نقاب .. تبرج
                                                                 ********************
نعم .. ايه الموضوع .. فراغ ولا قلة عقل ولااا فتنة ... نعتبرها فراغ وقلة عقل .. 
بما انى مسلم فالكلام هيكون من وجه النظر الاسلامية الخاصة بى موش تقليل من شأن الاديان الاخرى ولكن لجهلى بها وبقواعدها .... 

عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّه عَلَيْهِ وَسَلَّمَ:
((إِيَّاكُمْ وَالْجُلُوسَ فِي الطُّرُقَاتِ، قَالُوا: يَا رَسُولَ اللَّهِ, مَا لَنَا مِنْ مَجَالِسِنَا بُدٌّ نَتَحَدَّثُ فِيهَا، قَالَ: فَأَمَّا إِذَا أَبَيْتُمْ إِلا الْمَجْلِسَ, فَأَعْطُوا الطَّرِيقَ حَقَّهُ، قَالُوا: يَا رَسُولَ اللَّهِ, فَمَا حَقُّ الطَّرِيقِ؟ قَالَ: غَضُّ الْبَصَرِ، وَكَفُّ الأَذَى، وَرَدُّ السَّلامِ،
وَالأَمْرُ بِالْمَعْرُوفِ، وَالنَّهْيُ عَنِ الْمُنْكَرِ))
الكلام واضح موش محتاج تفسير ناخذمنه ما يهمنا وهو ان من اداب الطريق وحقوقه .. " غض البصر " .. 
عن ماذا يغض الرجل بصرة والكلام ده امتى فى عهد الرسول صلى الله عليه وسلم .. عن كل ما يغضب الله من المحارم  .. طيب موش الكلام ده فى عهد الرسول عليه افضل صلاة وتسليم  يعنى كان فيه نساء كاشفات الوجه "غير منتقبات" على اقل تقدير لان من عادات المرأة العربية ان تدارى جسدها من رأسها حتى قدميا ولكن ليس كل النساء 
وعنما توسعت رقعة الدولة الاسلامية ودخل فى الدين الاسلامى حضارات وثقافات مغايرة للثقافة العربية فى الملابس هل وقف الولاة والخلفاء السيوف ومية النار و فرق الامر بالمعروف زالنهى عن المنكر لاجار النساء على النقاب او حتى الحجاب 
ما فائدة غض البصر اذا كان الحجاب مفروض من الرجل على المرأة ماذا بالنسبة للمرأة التى تدين بالمسيحية او اليهودية
 او اى ملة اخرى ... لذا كان غض البصر
 لقد فرض الله سبحانه وتعالى اوامر على الرجل وعلى المرأة منها الحجاب وفرضه على الرجل ان يأمر به زوجته و اهل بيته  " كلكم راع وكلكم مسئول عن رعيته " لكن ماذا عن جارتى هل افرض عليا امر بأى صفة وبأى حق ماذا لو كانت غير مسلمة
ومنذ متى يدور هذا الكلام بمجتمعاتنا .. منذ متى ونحن نفرض الدين على انفسنا وبالعنف احيانا .. 
ان غالبية اؤلئك الذين يتشدقون بالدين ومبادئه يفتقدون تعاليم الدين فى بيوتهم وانفسهم " يقولون ما لا يفعلون " 
وهدفهم هو فرض السيطرة تحت شعار تطبيق شرع الله ... 
ده رأيى والله اعلى واعلم ... 

الالحاد .. لماذا ؟


لســـت فقـيــهــا

                                                                    1- الالــحـاد .. لماذا ؟
                                                                   ***************
احب ان اؤكد باننى لست فقيها ولا متعمق فى الدين ولكن لى وجه نظر شأنى فى ذلك شأن اى انسان عايش على وجه الارض ...
_ انتشرت فى الاونة الاخيرة ظاهرة يراها البعض خطيرة اما انا فأراها عادية لانها لا تؤثر الا على صاحبها حتى وان انتشرت
   بشكل كبير .. الالحاد .. لست ادرى حقا ما الذى يجعل الانسان يترك فكرة الاله الى فكرة الا اله ..؟ هل هو البعد عن الدين ام ان
   الدين يضع قيود لا يطيقها البعض خاصة فى زمن الانفتاح فى كل شيئ والحرية بدون سقف ..
الدين .. اي دين عبارة عن مجموعة من القواعد التي تحدد سلوك الفرض فى ما يسمى عبادة يحدد هذه القواعد الرب او الاله
المجتمع .. اي مجتمع به مجموعة من القواعد التي تحدد طريقة تعامل الفرد مع الافراد الاخرين داخل نطاق هذا المجتمع يحدد
             هذه القواعد القائمين على ادارة شئون هذا المجتمع 
   وغالبا تتفق القواعد الدينية مع القواعد المجتمعية .. مثل تجريم السرقة والقتل ... الخ " اساسيات المجتمع المتعارف عليها
    لحماية الافراد "
فلماذا نجد الالحاد وانكار الاله والاديان بما تحتويه من قواعد وتشريعات ولا يتم انكار المجتمع والكفر به مع ان هذا المجتمع ينظمه نفس القواعد والتشريعات التى يفرضها الدين " بغض النظر عن هذا الدين " 
بمعنى .. انا موش عاجبنى الدين بكل التزاماته و قواعده التي ارى انها تقيد حريتي .. لماذا انصاع لقيود وتشريعات المجتمع ومهما كان هذا المجتمع منفتح او " لديه حرية " هذه الحرية ليست مطلقة كما يظن البعض .. 
فمثلا روسيا منبع الالحاد كانت تحت نظام صارم يعد الانفاس على افراد المجتمع ... نرى الولايات المتحدة الامريكية قمة الحرية ولكن لها مسميات التي نعتادها نحن فمثلا الحرية الجنسية دعارة منظمة بحكم القانون الاعتقاد .. يكفله معظم الديانات ان لم يكن كلها .. حرية الكلمة .. مفترض ان تكون متوفرة فى جميع الاديان اكثر منها فى الانظمة المتحررة ..
اعتقد انه اذا كان ولابد من الكفر فاولى بنا ان نكفر بمجتمعنا او بمعنى ادق ان نكفر بمن يقود مجتمعاتنا " العربية " فهم من يستخدم الدين من اجل تحقيق مصالح خاصة من اجل تمكين وفرض سيطرة مغلفة باطار الهى لا يستطيع ان يرفضه احد 
وبقليل من التفكير لا يُعقل ان نترك المجموع من اجل افراد لا يعبرون عن هذا المجموع لا يٌعقل ان نترك الدين من اجل افراد نعلم تمام العلم انهم يستغلون الدين من اجل مأرب خاصة لا يعقل ان نترك الدين لمجرد ان هناك شيوخ او كهنة او قساوسة يفسرون الدين طبقا لاغراضهم او لاغراض الحكام فى اى مكان وزمان العيب ليس فى فكرةالدين ولا فى الاله انما فى من يطبق التعاليم ويفسر القواعد  ..